2024 年度嘉许年度捐血者安排

【嘉许年度捐血者活动安排】

又嚟到一年一度 #614世界捐血者日，中心想藉呢个日子，好好感谢一班热血嘅恆常捐血者。有你哋过去一年嘅支持，血库得以维持稳定同安全嘅供应。除咗为各位捐血次数达25次或25倍数嘅捐血者派发奖项外，中心仲准备咗一系列「打卡」活动呀！

＊＊＊＊＊＊＊＊＊＊

先讲领奖安排！ 📢

由2024年6月8日起，本年度（2023年4月1日至2024年3月31日）捐血次数达25、50、75、100次嘅捐血者，可以带同换领信到各区捐血站领取捐血纪念章；

至于喺本年度捐血次数达125次或以上嘅得奖者，则可以带同换领信到西九龙捐血站换领捐血纪念座。

＊＊＊＊＊＊＊＊＊＊

话埋畀您知，手机应用程式 HKBlood 都会换上新背景，用APP 预约捐血 嘅时候记得留意下啊！

另外，本年度得奖嘅捐血者、企业同团体嘅名单，都会刊登喺喺6月14日出版嘅《头条日报》内，藉此表扬各位坚持恆常捐血嘅习惯！到时记得拎返份做纪念喇！

＊＊＊＊＊＊＊＊＊＊

讲到明要全城同乐，当然唔可以错过设置咗喺全港多区嘅「打卡」热点喇。

6月起部分地区小巴车身、巴士椅背、指定嘅港铁站广告版同伊利沙伯医院户外广告牌，已经换上特色设计；多区捐血站亦设置特色佈景板，捐完血再打卡无难度。

小巴车身广告（6月5日至9月4日）

巴士椅背广告（6月7日至6月20日）

港铁站广告版（6月8日至7月5日）

港铁铜锣湾、湾仔、中环、观塘、旺角、油麻地、奥运、荃湾、沙田站、轻铁大棠路站

＊＊＊＊＊＊＊＊＊＊

再次衷心感谢所有捐血者愿意同中心风雨同路，喺过去嘅疫情下坚持默默付出，用热血拯救生命，为无数伤病者送上生命之礼。期盼大家喺未来日子继续同我哋携手，延续热血使命！

#嘉许年度捐血者安排 #捐一次血救三个人 #分享生命捐血救人 #捐血 #香港红十字会输血服务中心 #BloodForLife