2025 嘉许年度捐血者活动安排

＊＊＊＊＊＊＊＊＊＊

📢【领奖安排】

由2025年6月14日起，凡于本年度（2024年4月1日至2025年3月31日期间），捐血次数达到25、50、75、100、125、150、175次嘅捐血者，可以带同换领信到各区捐血站领取捐血纪念章；而喺本年度捐血次数达到200次或以上嘅得奖者，则可以带同换领信到西九龙捐血站换领捐血纪念座。

 

今年嘅《周年捐血者嘉许》小册子，已经转成电子版，大家可以喺下面下载。

 

＊＊＊＊＊＊＊＊＊＊

📰【登报表扬】

本年度获嘉许嘅捐血者、企业同团体名单，都会刊登喺听日（6月13日）出版嘅《头条日报》，记得拎返份报纸收藏呀！

 

而呢份《捐血者嘉许特刊》已经转成电子版，大家可以喺下面下载。

 

＊＊＊＊＊＊＊＊＊＊

📸【打卡活动】

全港多区捐血站将会设有特色打卡位，等你捐完血之后影靓相！

另外，6月14日至6月26日期间，以下港铁站广告位亦会有感谢捐血者嘅广告刊登：

港岛区：铜锣湾、湾仔、中环；

九龙区：观塘、旺角、油麻地、奥运

新界区：荃湾、沙田站、元朗大棠路站

大家去开捐血或者经过记得留意住呀～

 

＊＊＊＊＊＊＊＊＊＊

再次衷心感谢所有捐血者愿意同中心风雨同路，喺任何时候都愿意挺身而出，携手挽救生命。期待未来日子再喺捐血站同大家一齐，向病人传递希望，延续热血使命！🔥