2025 嘉許年度捐血者活動安排

【領獎安排】

由2025年6月14日起，凡於本年度（2024年4月1日至2025年3月31日期間），捐血次數達到25、50、75、100、125、150、175次嘅捐血者，可以帶同換領信到各區捐血站領取捐血紀念章；而喺本年度捐血次數達到200次或以上嘅得獎者，則可以帶同換領信到西九龍捐血站換領捐血紀念座。

 

今年嘅《周年捐血者嘉許》小冊子，已經轉成電子版，大家可以喺下面下載。

 

＊＊＊＊＊＊＊＊＊＊

【登報表揚】

本年度獲嘉許嘅捐血者、企業同團體名單，都會刊登喺聽日（6月13日）出版嘅《頭條日報》，記得拎返份報紙收藏呀！

 

而呢份《捐血者嘉許特刊》已經轉成電子版，大家可以喺下面下載。

 

＊＊＊＊＊＊＊＊＊＊

【打卡活動】

全港多區捐血站將會設有特色打卡位，等你捐完血之後影靚相！

另外，6月14日至6月26日期間，以下港鐵站廣告位亦會有感謝捐血者嘅廣告刊登：

港島區：銅鑼灣、灣仔、中環；

九龍區：觀塘、旺角、油麻地、奧運

新界區：荃灣、沙田站、元朗大棠路站

大家去開捐血或者經過記得留意住呀～

 

＊＊＊＊＊＊＊＊＊＊

再次衷心感謝所有捐血者願意同中心風雨同路，喺任何時候都願意挺身而出，攜手挽救生命。期待未來日子再喺捐血站同大家一齊，向病人傳遞希望，延續熱血使命！